3屆國際足協足球小姐、曾經帶領德國兩次贏得女子世界盃冠軍嘅佩蓮絲（中），終於決定結束其足球生涯。34歲嘅佩蓮絲喺禮拜二出席自己嘅告別賽，戲碼係佢母會法蘭克福對德國女子國家隊。佩蓮絲歷來214次代表德國，入咗128球；上年德國喺女子世界盃大熱倒灶，8強出局之後，佢已經決定退休，喺呢場告別賽之後，就會正式告別球場。