組合糖兄妹噚日去咗九龍塘，出席「零廚餘校園」活動，糖兄妹話，佢哋兩個平時都好少食剩嘢嘅，就連早排出席各大音樂頒獎禮嘅慶功宴嘅時候，佢兩個都會留守到最後一刻，希望盡量食晒大會提供嘅食物，唔好浪費，糖妹之後仲笑晒咁話：「平時我同糖兄去食嘢，如果食剩咗啲嘢，其實都會有糖兄幫我包底，所以就算係肥，都會肥喺佢度先。」