小朋友帶茶點返學，誰知被老師彈回頭，原來茶點唔營唔俾食，作為家長真頭痕！今次教大家做有營茶點，不肥膩又健康，可以給小朋友補充足夠營養，叉足電上堂做精靈乖學生！
記者：徐務研
攝影：林栢鈞
Model：Matthew、Jasmine
示範：田中佳代子（iCook烹飪導師）
肥膩食物難集中
務聯會註冊營養師陳國賓（Leslie）指出，小朋友茶點營養因人而異，不過最主要是補充能量，如含碳水化合物的食物，可直接轉化成能量，補充體力。其次可能是補充日常的不足，如正餐不常吃到的奶類及水果等，茶點便可滿足需要。許多父母都擔心小朋友吃飽後會昏昏欲睡，Leslie說其實不用太擔心，只要別吃太肥膩的食物，及過多的份量就可以，不然會令能量集中在消化系統中，上課時便會無精打采了。
迷你豆腐漢堡
怕漢堡扒肉類太多會肥膩？這個漢堡扒加入豆腐，含豐富蛋白質，脂肪又不多，而且選用方包，比坊間的漢堡包更健康！將30克的豬牛免治肉、30克豆腐、1/4隻蛋、2湯匙麪包糠、少許洋葱碎、鹽及胡椒拌勻，搓成小圓球後壓扁，然後放入掃上油的熱鑊中，煎熟，加入半湯匙BBQ醬、1湯匙味醂、少許砂糖、1湯匙茄汁煮勻成漢煲扒，備用。麪包上抹少許牛油，鋪上生菜、漢堡扒、芝士及番茄片即可。漢堡扒極富肉汁，而且加入豆腐後，口感特別軟滑，配上生菜及番茄片，營養均衡又豐富。
甘笋蘋果蒸包
這個蒸包口感黏黏糯糯，簡直是小朋友的「飛佛」，其入口清甜，還有陣陣蘋果香，最重要是完全吃不到甘笋的怪味，偏食的小朋友一定不會抗拒！做這道蒸包，要先將1/4個蘋果切小粒，加入1湯匙蜜糖下鍋中略煮熱，備用。將150克小麥粉與1茶匙泡打粉拌勻過篩，加入60克黑糖，以打蛋器打勻，下100毫升牛奶、100克甘笋茸攪拌約30次，再下1茶匙沙律油拌攪10次，加入已煮過的蘋果粒拌勻，倒入蒸杯內至q滿，加上數粒提子作裝飾，便可以將蛋糕杯隔水以大火蒸5分鐘，之後收中火蒸7分鐘即成。這個蒸蛋糕，鬆軟好味，混入了蘋果粒及甘笋茸，口感極豐富。
野菜汁日式薄餅
蛋漿加入了時下非常流行的野菜汁，而且還有生果，簡直令小朋友吃得津津有味！這個薄餅做法亦算簡單，只要將1隻蛋、1湯匙砂糖拌勻，加入30克小麥粉拌至沒有粉粒，分兩至三次加入共60毫升的野菜汁拌勻成粉漿。燒熱鑊後塗上一層牛油，加入粉漿鋪平，煎熟成薄餅。在薄餅上唧上適量忌廉、草莓粒、奇異果粒，捲起即成美味的日式薄餅。
日本甜薯脆條
番薯含大量澱粉質、鉀、維他命A及C，其纖維素更可促進腸胃蠕動，預防便秘，而且脂肪含量少。甜甜的番薯條略炸後，非常香口！此脆條做法簡單，只要將300克的日本番薯切成幼條，然後略浸水後瀝乾，放入燒滾至160℃的滾油中，炸至金黃色。將番薯條放入以80克糖霜及2湯匙水煮成的糖水中，略拌後逐條放在焗爐紙上待凉後即可食用。番薯條薄一薄，甜中帶脆，很滋味！
杯杯壽司
白飯含豐富澱粉質，加上有菠菜、扁豆、蛋等，有齊小朋友成長的必需營養！先將1棵菠菜灼熟，擠乾水份切碎，然後加入半湯匙醬油、1湯匙味醂、半湯匙砂糖略醃。將半碗白飯混入適量壽司醋，將飯攤凉時，可把半隻蛋與4湯匙砂糖拂勻，加入掃上油的熱鑊中，煎成薄蛋餅，捲起切成幼絲。在膠杯內加入壽司飯，灑上1茶匙櫻花粉，再分別鋪上壽司飯、菠菜、壽司飯、蛋絲，最後以車厘茄、熟甘笋片、熟扁豆作裝飾。做壽司飯要有技巧，加壽司醋時要以十字劃，避免壓扁飯粒，否則便失去白飯的煙韌口感了！
