樂壇校長譚詠麟（阿倫），噚日去到商台宣傳佢嘅新碟《一點光》，對於黃宗澤、王浩信同陳自瑤早排分別喺屋企被偷拍，拍攝嘅雜誌被裁定違反私隱條例，阿倫話：「呢啲新聞都係為咗滿足大家嘅好奇心，其實係會傷害咗我哋嘅下一代，希望大家盡番社會責任啦。」阿倫仲話，藝人如果條氣唔順，就去打小人，因為其實都冇乜嘢可以做到。