與骨灰為鄰，紙紮公仔經常在街上如兵馬俑般一字排開，濃煙、打齋做法事由早至晚的鼓聲、念經聲直攻樓上住宅。住在溫思勞街二樓單位的汪先生（圖），近年不幸患上癌症，但在家每日都受盡骨灰道堂的困擾。
向食環署投訴無下文
一巷之隔的對面大廈，一樓就是一家骨灰道堂，經常在窗外的平台焚燒冥鏹；對面馬路的另一家又經常在馬路做法事：「燒起濃煙滾滾，厲害起上嚟我連續四晚係咁咳，聲都出唔到！打齋兼大聲打鼓，有時去到夜晚8、9點！」
汪住此單位已30年，自從道堂開設，情況急轉直下，他曾多次向食環署投訴都無下文，想過賣樓搬走，但地產代理指因附近環境差，他700多呎單位只能售165萬。汪病情現已至末期，只希望在單位安靜度過餘生，「家只可以企喺窗口求佢唔好喺度燒，叫周一嶽嚟住番十日八日，佢就感受到！」
《蘋果》記者