按理，人人渴望擁有一對大眼睛，即使天生單眼皮，也要做整形手術。可最近台灣有報道指，韓國有不少單眼皮藝人，也是靠一雙矇豬眼走紅。不少曾接受雙眼皮手術的人要求回復單眼皮，不過，醫生就指出，手術後便不能回復單眼皮。開單開雙天注定，其實單靠化妝可以兩者兼得，何必硬要二選一？
記者：陳子穎
攝影：伍慶泉
模特兒：Naya@StarzPeople
化妝：[email protected]
髮型：[email protected]
一支Eyeliner走天涯
化妝師Jan：「單眼皮人士眼蓋冇褶位夠平滑，根本唔用眼影都得，用支Eyeliner畫幾下再印鬆邊緣塑造下至上的漸變眼妝已好靚！」若真要塗眼影，秘訣是「唔好多，於眼頭和下眼線末端落就夠！」整體妝容方面，細眼妝和大眼妝不同，胭脂不用太Sweet，塑造健康膚色甚至無都可，反而唇色偏紅，和深眼妝呼應。
秘技1 眼尾畫粗
Jan：「好多單眼皮女生都唔知點畫一條好Fine的眼線，秘訣是開眼畫，並從眼尾落筆，先在眼尾Mark記號後再向眼頭方向逐筆填色。眼線要前薄後厚，這有助拉長眼形。」
做法
1. 用筆狀Eyeliner先在眼尾畫微微向上翹的三角形。
2. 用Gel狀眼線膏描畫眼線。注意眼頭前3位置毋須填色，而眼尾向眼頭方向的線條應由粗至幼。單眼皮女生可於下眼線的末端3位置填上深色眼影，加強眼部輪廓。
秘技2 頭尾落眼影
在眼頭及眼尾用上深色眼影，中央則掃Highlight色。用了這個方法，矇豬眼就算塗上淺色的眼影，也不會有眼腫情況。
做法
1. 眼頭位置塗上粉紫色眼影，手法是向眼尾方向由深至淺塗。
2. 下眼線位置掃上紫色眼影，此時則向眼頭方向由深至淺塗。
秘技3 上下眼線連成一線
眼線畫得好，可以好出神入化！好似Jan今次竟棄用SmokyEyes，而只用眼線就將大眼變成矇豬眼。「將上下眼線連成一線，矇眼感就更強烈，睇起嚟好似一條線咁。另外只要在眼尾後段貼一撮假睫毛，就可以突出番眼部輪廓，唔需要擔心眼形會變得扁平。」
做法
1.畫一條粗眼眉有助減低眼眉與眼睛的距離。
2.將眼線拉長至1.5cm，令眼形大幅度加長。
3.將下眼線的尾部伸延，與上眼線眼尾連成一線。
4.在眼尾1/3位置貼上特長眼睫毛亦可令雙眼變小。
MISSHA明眸眼影及眼線筆（全8色）$98
雙頭設計，扁面尖筆頭勾勒實色細緻眼線，另一端則為眼影棒。
DIOR（36953135）
L'OREAL（28818330）
M.A.C（21187649）
MISSHA（25739320）