蔡卓妍（阿Sa）、徐濠縈和黃偉文等前晚在中環出席活動。阿Sa提到藝人家居私隱權問題，希望可以爭取到重見陽光的一天。她指家中長年落簾，媽咪陪她過沒陽光的日子。徐濠縈則不介意囡囡陳康堤間中被影到，認為明星子女適量曝光，有助嚇走拐子佬。
法國時裝Carven在香港開設全球第二間專門店，前晚在上環舉行開幕派對，設計師GuillaumeHenry和英國潮女AlexaChung專程來港出席，徐濠縈、黃偉文、蔡卓妍和謝婷婷等都有捧場。AlexaChung表示第二次來港，來去匆匆，沒機會一睹維港夜景。
「買屋可以慳啲」
藝人家居私隱權近日再度受關注，阿Sa也希望以後在家可以放心不怕被偷拍：「家應該係最安全嘅地方，希望新聞採訪有底線，出活動點影都得。」她指家中全年放下窗簾，只要一回家，媽咪就會馬上落簾：「最慘係家人都要陪我，成日見唔到陽光。」不過她也自幽一默：「我買屋唔使買有風景嘅樓，可以慳啲。」
徐濠縈謂邀請AlexaChung參觀自己的Liger店，可惜對方沒時間。霆鋒早前指歡迎狗仔隊跟拍囝囝，如同請了額外保安，徐濠縈認同部份說：「兩睇啦，我大肚都俾人跟，都好驚。小朋友有限度曝光，拐子佬應該唔會打佢哋主意。」
陳栢熹封舌王
同場Moiselle太子爺陳栢熹（Harris）早前醉酒狂咀生日的何超瓊契女曾昭怡，被好友狂笑，他前晚笑說：「同佢一齊去台灣慶祝生日，佢哋家封咗我做『舌王』，因為醉咗會狂咀人。」好友何超盈近期獲賭王打本開餐廳做生意，他說：「知佢有好大決心，零售我都有啲經驗，會同佢分享，但就唔會夾份。」
採訪：林嘉慈 攝影：葉君海