【本報訊】超人李嘉誠撐樓市！歐債危機未解決，外圍經濟增長放慢，現時是否買樓時機？長和系主席李嘉誠昨舊調重彈：「長遠嚟講，自用嘅、可以負擔到嘅，買樓係無錯嘅！」，因「港元同美元掛鈎，美國會繼續印銀紙，通脹仍然會升。」記者：張活儀
李嘉誠昨日出席業績記者會時說：「香港（今年）GDP增長可能會（較去年）低啲，但我認為仍然會向好嗰邊走。」
他認為，通脹將會繼續成為樓市上升動力，「建築費喺過去4至5年上升一倍…幾百呎嘅樓建築成本佔（總成本）一半，相信未來仍會有雙位數增長，所以樓價唔太擔心。」
支持大量建公屋
長實（001）副主席李澤鉅補充：「只要供樓能力夠（就可以），香港情況獨特，地少人多，唔使rocketscience（去研究）。」
對於低收入人士上車困難，李嘉誠認為政府可大量興建公屋，縮短輪候時間。至於居屋復建，則要權衡各方利益及利弊，因不少香港人已擁有物業，故要衡量會否打擊樓市。他說：「樓市平衡啲好啲，我一向想低收入市民可以買樓，樓價高地價高對發展商都唔好。」
為抑制樓價升幅，政府有意將地皮拆細出售，李嘉誠認為，這些均不重要，「大地（皮）好定細（皮）好，（市場）慢慢會有結論，唔反對亦唔到你（集團）反對。」
購買力持續撐市
今次長實業績主席報告內，李嘉誠以「克服市場挑戰 展現強厚實力」為題撰寫。
李嘉誠在報告內指出，香港仍受外圍經濟不明朗影響，物業市場氣氛自去年年中轉審慎及觀望，但市場基調穩固，而樓市有持續購買力支持，加上低失業率及低息環境持續，預料整體市況維持穩定。
內地經濟方面，雖然中國已調低經濟增長目標，但可維持穩固的擴張步伐，長遠而言，內地通脹壓力減，內需動力穩健，以及中央微調宏調措施，以確保經濟長期平穩較快發展，均對經濟前景有良好及正面作用。
李嘉誠表示：「中國7.5%GDP增長，好到不得了。內地希望樓價跌，但我哋啲樓亦唔貴。」所以他相信內地持續發展，將為本港的經濟帶來強大支持。
料全球經濟改善
外圍經濟方面，超人指歐元區主權債務問題趨穩，而美國整體經濟不同數據亦有改善，但經濟增長緩慢，預料今年全球經濟發展將持續緩慢改善。
李嘉誠對樓市言論
昨日
長期來說，自用的，可負擔，買樓無錯。
去年8月
若果買樓自住，而每月供款亦保守，就唔驚。
去年5月
買樓自住不會有錯，但卻警告買樓炒賣須小心。
去年3月
買樓自住，夠錢擺落deposit唔好太低，但買樓自住，自己有需要，絕對無錯。
2010年8月
如果50至60%（樓價）自己畀到就無事。
2010年5月
呢個風潮（歐債）之後，將來通貨膨脹係一定。