影帝鄭則士與視帝黎耀祥正面交鋒的劇集《盛世仁傑》存倉沉睡四年，終於在復活節檔蘇醒過來，一直甚少演奸角的黎耀祥直言《盛》劇令他過足戲癮，他說：「我好多年冇做奸角，今次所有嘢去到好盡，做奸角最好係點做都得，反正大家都知道你做衰人，好衰咁去做又得、扮晒好人、淡淡哋做又得，呢個幅度好大好好玩。」
唔怕變炮灰
《盛》被安排在復活節炮灰檔播映，祥仔卻淡定面對收視問題︰「每個時段都有佢嘅觀眾，當然有時候觀眾會外遊，但只係講緊嗰幾點，唔覺真係有所謂炮灰期，最緊要有口碑。」最近祥仔與鄭則士再合作新劇《造王者》傳不和，祥仔說：「邊有呀？大家都過咗嗰個階段，加埋都過100歲！」
撰文：何慧斯
攝影：林德雄