【本報訊】特首選舉落幕，力撐唐英年到最後一刻的首富李嘉誠，昨日在長和系業績會上坦言，投票予唐是為港人好。他指不會批評別人，「我向來做事唔係咁功利，希望大家了解，喺某啲事上，我嘅堅持係覺得對香港好，對國家好，我就會做」。
問及最終堅持投票給唐營，會否因為自己太有腰骨驚被人秋後算賬，他就着記者「唔好問埋啲儍嘢」，又指選舉不會因為投咗另外一邊，而有損失。
在港生意絕不縮小
李嘉誠旗下長和系投資逾50個國家，他多次重申絕對不會撤資。「我好少咁堅定咁講嘢，因為我愛香港愛自己國家，絕對唔會撤資。」稱自己永遠是中國人的李嘉誠表示，自己40年代已來香港，對香港有深厚感情。他承諾在香港的生意只會做大，但就絕對不會縮小，有新投資亦會首先考慮香港。但他卻同時指，「若再增加香港的生意，會俾人鬧，將海外賺得的錢分給股東，對股東最有利」，但「鬧我會喺度，唔鬧亦會喺度」。至於外地的投資，則視乎資金情況，投資國家傾向選民主國家，因有法律保障。
他指香港是一個有自由和法治的地方，相信本港仍然維持其核心價值，但表示選舉已經告一段落，不想多談政治有關的問題。對特首選舉唐營落敗不會感到失望，「做對香港唔住嘅事就失望」。
李嘉誠全程都沒有正面回應會否支持梁振英，只表示會貫徹過去做法，一直支持特區政府，「就一般來說，長和會與政府合作，過去如是，今日如是，將來如是」。他指政府不是以個人計，是整個特區政府，相信基本法和相關法律會延續下去，會維持相當長的時間。由於香港地小人多，加上通脹令建築成本上漲，身為本港大業主的李嘉誠深信樓價會持續上升，會否怕外界認為是「八萬五」的始作俑者的梁振英會否推出第二輪的八萬五，他就沒有回應，只表示唔會擔心新政府上場會嚇窒樓市。
他又重提早前總理溫家寶提到堅持貫徹「一國兩制」的論調，「香港有一個核心價值，就係自由發展，而民主喺基本法已經有晒時間表，同埋點樣實行，相信可以繼續做到」。