星期日湖人輸畀灰熊場波，Kobe拜恩（圖）被教練米克布朗換出，搞到佢黑晒面。不過，呢個可能係布朗嘅激將法，因為Kobe喺周二作客勇士場波，個人攻入30分，同狂攻嘅勇士一齊鬥搶分，最後靠佢喺比賽末段射入關鍵一球，助湖人以104:101擊敗有3人攻入20分或以上嘅主隊。唔係咁激一激拜恩，又點同勇士鬥攻呀？
