黎耀祥早前為超級市場拍咗輯電視廣告，佢仲化身為功夫了得嘅葉問，喺廣告內扮鬼扮馬，又用周星馳嘅《功夫》造型，扮用飛毛腿走勻全世界嘅超巿專員，造型好爆笑。今次呢個廣告，祥仔仲要喺綠佈景前喪跑，又要同一班嚟自唔同國家嘅演員做出生鬼表情，配埋電腦後期製作，即刻令祥仔有一對摩打腳，認真搞鬼。