【本報訊】梁振英出賣700萬名市民，基層張德光是其中之一。梁當選特首翌日，他跟一班街坊到新政府總部請願，梁先後三次避而不見，「不屑一笑就走」。他勢估不到，這名變臉特首10個月前還向他承諾跟進房屋問題，當選後便「反轉豬肚」，寧願向中聯辦謝票，也不聽取民意，「係咪做咗特首就可以高高在上？」
張德光是夜間的士司機，本周一（26日）清晨睡了不足兩小時，便從葵芳趕到金鐘新政總，向候任特首梁振英遞交請願信，但梁「睇都唔睇我哋」。梁的座駕刻意由正門駛至側門離開，「叫住佢咪走，嗌都喉嚨沙晒都冇理」。他再追上中環舊政府總部，「CY講大話，出嚟見街坊」，叫喊近句鐘，最終也落空，「好失望，冇諗過佢咁快出爾反爾」。
「選完就即刻唔識基層」
梁振英去年5月21日到葵芳邨出席街頭論壇，張記得當時他擺出親民形象，逐一跟街坊握手，還承諾協助他和其他街坊等一班「寬敞戶」，跟進被房屋署迫遷的問題，「以為佢真係幫到手，好大期望」。一眾街坊轉交有關資料給梁後，一直沒有下文，「承諾仲未兌現」，更沒想到向他請願竟落得被唾棄的下場，「選到第二日已經不理市民申訴，未來五年點算」？
當日主持論壇的街工幹事謝凱健說，曾當面質問梁振英落區是否為選舉鋪路，「佢話絕對唔係，仲話有責任聆聽市民意見」。他早料梁會食言，但沒想到他變臉極速，「選之前扮親民，選完就即刻唔識人，過咗後就神仙」，全拜小圈子所賜，「佢面對係1,200人，唔係700萬人，冇民意基礎」。張德光4.1也會上街爭取普選，「如果普選，將來我個仔都可以選一個自己鍾意嘅特首，點解唔爭取」？