趣趣地：球員失機老馬翻觔斗

唔知球迷有冇印象，前阿根廷球王馬勒當拿（圖）之前執教阿根廷國家隊嗰陣，曾經喺阿根廷贏波之後，興奮到走入球場表演插水慶祝。老馬一向都大情大性，佢家喺阿聯酋頂級聯賽教緊隊波華斯爾；日前當華斯爾喺聯賽經已領先緊對手4:1，佢哋有球員錯失咗個入球機會，仲激到馬勒當拿喺場邊翻觔斗㖭。