因為去台灣參加比賽一炮而紅嘅閻奕格，噚日喺尖沙嘴受訪，佢下個月19號喺九展嘅「我回來了」音樂會門票7分鐘內賣晒，家加開18號一場，門票今日公開發售。提到音樂會有咁好反應，閻奕格話：「開心同嚇親，我真係冇諗過。」閻奕格透露香港一站個rundown會長啲，唱廿幾首歌。講到未出碟已經可以開騷咁犀利，閻奕格話唔敢當。