世事命運總是很吊詭，以為走對了突然又無故地要你走下坡，身陷谷底。到你絕境無望時，又會給你一個機會重新上路，柳暗花明。入行十年的Shine，經ConcertYY點石成金，呢一彈邊估到！恩人之名當之無愧，連Shine都認同：「係，Wyman絕對係Shine的恩人。」的確，原本計劃細搞十周年演唱會，現在應該有機變作盛事。
記者：雷福財
攝影：蔡家輝
化妝：HenryTse
髮型：[email protected]
大恩公Wyman
約十年前又南及天佑組成Shine，同期力撼當年的Boy'z，雖未至於大紅，但至少還有首本名曲《燕尾蝶》、《半成年》，到07年各自向電影進發便再無以Shine名義出歌。五年後，出陣ConcertYY，外界好評不下於彭羚，此際他們強調其實大家從無拆夥。又南：「其實Shine喺07年時無再同唱片公司續約，因為大家都再找不到音樂火花，於是改向發展電影，當年亦無宣佈過拆夥。」天佑：「可能太耐無一齊，大家就當成消失咗。」一係唔唱，一唱即贏回掌聲，應該好多謝Wyman吧。又南：「的而且確Wyman絕對係Shine的恩人，由第一張到第七張唱片，九成的詞都是來自佢手筆。嚟緊八月的Shine十周年演唱會主題曲，都會由Wyman填詞。」
On天佑：
藍色牛仔恤衫$659、灰色LogoTee$229、藍色洗水牛仔短褲$599、高筒帆布鞋$799
On又南：
白色PrintTee$299、灰橙色格仔恤衫$659、藍色洗水牛仔短褲$599、白色帆布波鞋$799、白色草帽（Stylist'sOwn）
前景未明
不過Shine坦言即使外界反應好，前景仍是未知之數，下年的事未有計劃，繼續見步行步。「老實講，雖則外界都話反應好，但可能一做完ShineConcert後又會返番去以前一樣。之前有記者問我哋係咪鹹魚翻生，其實無乜所謂，被人話鹹魚我哋接受到，所以大家都會講笑話：『話唔定演唱會之後大家做番鹹魚呢，哈哈。』」又南：「呢段期間其實有唱片公司想簽我哋，不過現階段同天佑都唔想為做歌而做歌，想轉變吓個模式，暫時做緊第一首歌，之後再睇睇有無靈感。」
男孩愛茄
回首十年，由當年的小男孩已接近三十而立，重出江湖會走甚麼類型路線？又南：「唔會刻意打扮成熟，係呢個年齡應有嘅形象。除咗上台表演，否則今日着嘅服裝都係平日經常着到嘅，Tee加Levi's牛仔褲或布褲。其實我覺得瘦嘅男仔，着吊腳窄身褲好有英倫㗎仔Feel。」天佑：「自己嘅造型都偏向PoloShirt加短褲為主，最重要係布料有彈性，CasualWear已經好好睇。」
Levi's（24108876）
尖沙嘴新港中心139D號舖