美斯去踢法乙嘅昂熱（圖）！係咪假新聞嚟㗎？當然唔係啦，原來呢度講嘅係一位叫LionelMessi嘅喀麥隆小將，佢全名咁啱同踢緊巴塞、3奪金球獎嘅美斯一模一樣咁啫。「喀麥隆美斯」早排去咗昂熱試腳，球會見佢表現幾好，就同佢簽約。據報，佢唔係喺美斯成名後特登改名博出位；由佢喺95年出世起，已經用緊呢個名，絕對唔係抄人！