周家蔚想生五個

周家蔚想生五個

周家蔚和洪天明結婚後,密密開工,昨日她又在尖沙嘴宣傳洋酒。她指計劃下月中才度蜜月:「大家都有工作,可能近近哋去馬來西亞resort,一大班人都唔介意,兩個人驚悶。」努力造人解悶?她說:「咁都會,ready緊,我有睇中醫,朋友都有傳啲包生仔嘅中醫師名畀我。」
老爺洪金寶揚言要有齊十二生肖的孫,周家蔚即說:「吓,咁要生到四十幾喎。一仔一女嘅話,天明都話stop,我就五個都OK。」對於結婚當日的姊妹團被指為「豬扒」,並且又四出問明星拿電話號碼,家蔚反駁:「都有人話啲姐妹索過我,佢哋好多有家室,又有大肚,一啲都唔豬扒,不知幾靚。」
採訪、攝影:何慧斯