早排同「鋼琴王子」郎朗傳緋聞嘅內地性感女星鞏新亮，接受訪問時一再否認同郎朗拍拖，強調只係朋友。不過就係因為呢單緋聞，搞到鞏新亮係咁俾人起底，喺《非誠勿擾》演過秘書嘅佢，俾自稱係佢老同學嘅人爆料話佢唔係清華大學畢業，跟手仲有輯素顏相流出。嘩，鞏新亮個素顏樣成個麻甩佬咁，同佢化行妝個樣真係差九條街囉！
大學未畢業
對於素顏look曝光，鞏新亮似乎唔係太嬲，仲大笑話自己嘅生活其實幾老土，平時鍾意着平底鞋、牛記笠記甚至唔化妝，佢覺得就算幾靚嘅女仔都有醜態百出嘅時候，人哋要偷拍佢都冇辦法喎。
反而講到自稱係清華大學生係造假，鞏新亮就有啲火，佢話從來冇同人講過「鞏新亮是清華大學畢業生」，佢解釋當年佢喺北京做金融工作，為提升業務水平，單位就推薦佢去讀過「清華國際投資與資本運營總裁班」咁啫，鞏新亮話，佢唔鍾意造假，更加唔鍾意學歷造假，原來佢家仲喺北京一間大學讀書㖭。