黃榕和Naomi先後憑緋聞男友陳冠希（Edison）和李思捷出位，日前兩人以三點式為網上時裝店拍宣傳片，期間互篤胸並再度擺Edison和李思捷上枱互相質問有否整容。32B的Naomi坦言想隆胸至DCup，跟周秀娜睇齊。
近日和李思捷傳緋聞的球隊公關Naomi，日前和Edison前緋聞女友黃榕一同到柴灣，為好友陳君宜的網上時裝店ZEUZ.COM拍宣傳片，兩人穿上三點式泳衣扮豬狼辯論比賽，互相質問有否整容，當中Naomi稱為可可，黃榕則叫涼浸冰。
Naomi隆胸出寫真
開始前兩人先入戲扮互窒，Naomi問黃榕有否整容，她即篤着Naomi的右胸說：「我冇呀。咁你個好朋友李思捷呢？」Naomi即還擊：「咁陳冠希呢？」黃榕笑言自己已成過去式，現在大家只關心Cammi，Naomi聲稱介紹男仔給黃榕，黃榕即反問：「李思捷好唔好㗎？」之後話題再轉回整容，Naomi問黃榕：「你咁大，係咪假㗎？邊個整？」黃榕笑言：「李思捷。」Naomi即無言以對。
原來私底下Naomi和黃榕小時候已相識，Naomi力證黃榕沒有整容，但她坦言自己想隆胸：「家有人斟緊拍戲同出寫真，我怕唔夠人勁，咁咪後天補救吓，背部全裸OK，前面就傾緊，我嗰兩點點都有sellingpoint。」
黃榕拒舊愛翻兜
會否擔心有後遺症？Naomi表示：「唔怕，我諗住用自己脂肪隆，咁樣會貴好多，想有sponsor，反而打假波就平好多，我係足球隊公關，梗係唔想打假波。」Naomi表示想由32B升至32D，跟周秀娜看齊。
雖然Naomi想隆胸，但她又表示男士不喜大胸女性，那麼李思捷呢？她即尷尬說：「問番黃榕，我唔回應。」黃榕表示已很久沒有跟Edison聯絡，反而前度男友不停找她，但她認為沒有復合可能。李思捷曾表示會帶女友王寶寶（春卷）一齊去玩，Naomi是否認識她？Naomi尷尬說：「吓，點會見到呀。」
採訪：黃曉妍 攝影：陳慧安