在上集《志明與春嬌》，春嬌好友Brenda是名剩女，今集她終嫁得如意郎君，新郎哥還要是黃曉明！這個超筍結局當然拜導演彭浩翔精心安排所賜，彭導表示是回饋她上集所承受的屈辱。
「累佢俾人笑」
彭浩翔昨日接受電話訪問，表示Brenda真名June，在一話劇團中負責行政工作，兩人透過朋友介紹認識，他說：「拍完上集，佢同我講話俾人笑，就因為余文樂嗰句『睇相就公主，睇樣就番薯』累佢俾人笑，我話你嚟拍下集，我搵黃曉明做你老公。」
彭浩翔笑言Brenda不信會獲厚待，直至黃曉明出現，她才如夢初醒，彭浩翔說：「家冇人記得佢真名，個個都叫佢戲名，我話以後啲人介紹黃曉明嘅銀幕情侶時，就會有你個名，你以後同周迅、范冰冰平起平坐。首映嗰日完場，佢一企起身介紹，就全場拍晒手掌。」他表示已有電影公司希望簽她為合約演員。
採訪：何永寧