周一西甲聯賽，西維爾憑尼格度先開紀錄，作客3:0大炒CF格蘭納達，不過講威風，尼格度呢排及唔上佢哥哥魯賓尼格度（圖）。效力西丙球隊托列拿維加嘅魯賓尼格度，上周中一場比賽中，不單幫球隊射入追平一球，之後球隊因門將輸12碼攞紅牌被逐，加上球隊又換晒3個人，被迫由魯賓把關（下圖）；點知佢咁厲害，撲出對手射球，又入球又救12碼，幫托軍逼和1:1完場。