【本報訊】新地（016）屯門站新盤瓏門開售日期未定，已有地產代理為搶做生意，不惜以身犯險，率先在內地「搜房網」推銷該盤，更公然在網上刊登未獲發展商確認的單位間隔及售價資料，有違規兜售樓花之嫌。地監局回應指，代理不得宣傳及推廣未獲售樓紙的樓盤。
記者：程俊華、湯家明
揚言以「天價」開賣的瓏門，乃年內大型矚目新盤之一，預計下月復活節前後發售，但因仍未獲批預售樓花同意書，令推售日期遲遲未定。因項目屬屯門市中心近13年來首個新盤，發展商又預告入場費不會低於400萬元，各區地產代理積極「撈客」，希望賺得可觀佣金收入。
至少涉3間代理行員工
不過，本報發現，多個本港持牌地產代理已利用「搜房網」樓盤搜索功能，加入瓏門銷售資料，包括「率先披露」單位建築面積、定價、呎價、及租金等，發展商從未對外公佈的資料。網上所見，單位售價由350萬至1000萬元，呎價5400元至2萬元；個別更張貼單位的平面圖則。但根據瓏門的官方網頁顯示，樓盤所有具體資料，只有「即將公佈……」四個大字，未有任何內容可供瀏覽。
據統計，「搜房網」內已有超過70個瓏門樓花放盤，至少涉及3間本港地產代理行的員工，大部份都有留下聯絡方式，包括內地電話號碼，似專門向內地客招手，兜售生意。
聲稱收票預留 每張30萬
本報記者致電查詢，代理說：「個價係意向價啫，開乜價發展商仲未正式講，唔一定呢個價錢賣！但每呎均價都係1萬蚊左右，同將軍澳天晉差唔多啦！」至於為何有瓏門平面圖，代理直認是由發展商提供，「前幾日都有報紙登過」。他又指，暫未有示範單位參觀，但有行家向準買家收票，每張本票30萬元。代理又教路以公司形式購買，方便炒賣。
對於有代理擅自發佈樓盤訊息，本報向地產代理監管局查詢。該局回應，在地政總署未發出預售樓花同意書之前，地產代理從業員不得宣傳或推銷該盤，亦不得接受或收取任何留位費。地產代理公司為任何一手盤銷售發出任何廣告或宣傳物品之前，必須取得發展商的書面同意。
地監局未有正面回應上述代理行為是否已違規，不過，業界質疑持牌代理於內地網發佈資訊，或存在踩界之嫌。
對於有代理涉嫌網上偷步兜售樓花，新地代理執行董事雷霆指，項目迄今未取得售樓紙，未與任何代理簽訂銷售委託，因而坊間流傳並刊登瓏門平面圖，他表示「唔知道」，強調書仔（指售樓書）都未印起」，「有售樓紙先賣得，無向代理指示任何售價」。
瓏門資料表
地址：屯門鄉事會路1號
座數：4座
單位：1072個
面積：約550至1200方呎
預測呎價：7000至1萬元
預計開售：4月
發展商：新地、港鐵
追訪代理Q&A
問：記者 答：代理
問：瓏門係咪有價錢，我見你推介度有定價，但發展商網頁未見有公佈？
答：呢啲係意向價啫，唔一定係呢個價賣㗎！佢話預（平）均價一萬到啦！但一向都係叫高少少，到真正賣又會開低番少少，預7000零左右。
問：見到有兩座單位平面圖，係咪發展商畀你哋？
答：你可以咁講啦！不過我仲有其他幾座平面圖，都係啲初步間隔、座向咁，要好似樓書咁詳細嘅資料，好似單位有幾多呎嘅資料就未有啦！
問：想睇示範單位，使唔使入埋票？
答：示範單位未開，應該4月頭有得睇，睇樓唔使入票住，不過如果好有興趣，我知有行家都收緊票，你預一張30萬左右。