已久違香港觀眾的翁虹和邵仲衡，日前合作拍港台劇集。當年在《大時代》演丁孝蟹現年48歲的邵仲衡身型脹爆，現時主力在內地搞汽車及賽車生意。至於嫁作人婦的翁虹長住北京，但她不想只做少奶奶，希望有點工作打發時間免做黃面婆。
翁虹早年嫁給劉冠廷後誕下一女，一家三口在北京居住，間中也會出席活動，沒有完全絕跡幕前。而早年在港搞汽車用品生意的邵仲衡，近年亦北上發展，絕少參與演出，不過近日兩人一同合作拍攝港台劇集《沒有牆的世界III》，飾演夫妻。
日前他們在沙田一屋苑單位內拍攝，翁虹飾演一位患有多發性硬化症的病患者，而邵仲衡則坐在床邊輕吻翁虹額頭加以安慰。雖然兩人也有一段時間沒有在港拍劇，但現場見他們表現依然純熟，相當順利。
雖然二人早年已在娛樂圈發展，但今次是首度合作，還不時互相取笑，翁虹笑說：「我視佢為前輩，我睇佢做《大時代》成長㗎。」邵仲衡聞言則笑言：「我都係佢影迷，懷春嗰陣時。」
期望再拍劇
當年在劇集《大時代》中，邵仲衡演鄭少秋的丁蟹大仔丁孝蟹，他目前主力在內地經營汽車及賽車生意，被稱為大老闆，難怪身型暴脹十足老細款。問可有興趣回港拍電視劇？邵仲衡謂：「如果真係有得斟，我都有興趣返嚟玩吓㗎。」
另外，翁虹早年已隨丈夫和女兒移居北京生活，而且丈夫更是她的經理人，安排時間方面會更貼心，雖然已婚及有一女兒，但翁虹堅拒過少奶奶生活，她坦言：「如果要我做湊女婆日日對住個女冇嘢做我會癲，但到呢個年紀係會想做自己想做嘅事，唔同以前。」
採訪、攝影：卓寶花