張堅庭噚日接受商台訪問，原來佢應一啲傳媒朋友嘅要求，喺選特首期間，同唐英年上過三堂訓練口才嘅課程，張堅庭話：「好似平時教學生咁教佢，可能開頭佢坐定粒六，身邊又多幫手，之後有競爭，發生咗好多事後，危機感出現，表現越嚟越好，講嘢進步咗好多。」張堅庭仲大讚唐唐係一個好人，可惜最後落敗。