千億新抱徐子淇昨日一身彩虹裙出席活動，爆妹妹早產已誕下孖仔。早前傳又有喜的她否認大肚，更怕下胎會陀孖B，一人湊五個吃不消。她又關注近期社會不穩、港人憤怒，特別公開呼籲拐子佬不要打她子女主意。
千億新抱徐子淇婚後湊仔女，只會暗盤出騷價捐五十萬給她支持的智行基金才出席活動。子淇昨日一襲ChristopherKane彩虹裙襯Cartier珠寶，在中環出席護膚品Fresh活動，接收大會送出的50萬善款，又分享自己關於愛的四張相，包括與老公恒基細少李家誠合照、一家三口抱囝囝的照片等。
盼特首關注市民
老爺李兆基之前支持唐英年，投票後又表示不記得，懷疑跳船投了給梁振英，子淇說：「我唔知佢投畀邊個，結果都出咗，投邊個都唔緊要。」她續說：「希望新特首聽到市民嘅聲音啦，因為家（社會）好似好唔定咁，又遊行，又有拐子佬，大家嘅情緒好似好angry，希望政府可以做啲嘢。」
提到拐子佬，子淇現在人釘人：「冇增加人手，不過大女都學緊功夫。」她更即時笑着公開呼籲：「大家唔好捉我個女，佢識功夫㗎。」她指女兒懂得有事時大叫「Youcan't！」她說：「我教佢唔可以咁講，第一，英文人哋（指拐子佬）未必聽得明，第二，無論乜都係應該叫救命。」前度男友洪天明上周結婚，徐子淇大方祝福天明白頭到老。
「BB踢肚好神奇」
徐子淇妹妹早前在微博自晒孖胎超聲波，原來早產生了，現在坐月中，稍後會搞百日宴，子淇說：「生咗對孖仔囉，好搞笑，我都分唔到大細孖，要將大孖油指甲嚟分。」她指很怕家庭遺傳會陀孖仔：「真係好驚，好擔心，陀孖仔連床都唔落得，家唔係啱嘅時侯，如果生五個，真係搞唔掂。」她指不介意再生，生七個、生到三十五歲都可以，但希望可以分隔幾年：「我都鍾意陀BB嘅感覺，好似皇后咁，飲水都有人斟，BB踢肚感覺真係好神奇。」
採訪：盧妹
攝影：黃偉雄
