周家蔚與洪天明上周五舉行婚宴派對，家蔚舊愛林建億不請自來媾女兼倒瀉水在家蔚身上，天明公開爆粗鬧爆林建億，家蔚為免再激起老公不滿情緒，聲言盡量避免和前度見面，不過她坦言整件事僅是小事一則。
周家蔚、陳敏之和黃智雯昨日在尖沙嘴出席法國美容品牌GuinotNewhite宣傳活動，家蔚笑言天明旺妻，婚後有很多賺錢工作，希望保持下去。新婚的家蔚心情靚絕，但天明因她的舊愛林建億在婚宴派對當晚踩場而嬲爆，家蔚指天明已降火：「冇事喇，佢緊張我，做乜都為我好，天明想個婚禮完美同有私隱，我番佢開心，講啲好說話佢聽，同佢講啱啱結婚應該開心。」
姊妹唔吼林建億
天明大鬧林建億當晚不請自來，在場內媾女又倒瀉水在家蔚身上，但林建億反駁是家蔚的親戚請他到場，還指該親戚是家蔚的表弟，家蔚對此說：「表弟話冇帶佢入場。」28位姊妹可有給林建億電話號碼？她說：「我班姊妹唔係結咗婚就係有人要。」
有傳數月前家蔚才與林建億見過面，家蔚馬上澄清：「只係另外一個朋友識佢，當時好多人在場。」為免天明不悅，家蔚坦言會避見林建億：「避到就避。」會否覺得為婚禮帶來遺憾？她說：「唔會，對我嚟講係小事。」她並笑言若天明要用洪拳對付舊愛，之前先耍給她看，因她從來未看過。
陳敏之維護法拉
此外，陳法拉呼籲巿民周日不要去遊行留在家看主演的《東西宮略》大結局，此話一出她即被指無腦，敏之雖被傳與法拉不和，但她仍維護法拉說：「我估佢唔係咁意思，去完遊行睇劇都得，不過選都選咗，特首做五年，不如同心合力支持梁振英支持香港。」
採訪：魯萍
攝影：黃文偉