回到夏令時間，周中慣捱夜睇直播者佳音！不過歐聯好睇但唔易賭，唔少球迷去到8強呢個階段，情感注居多。投注重心，個人還是走向英冠這地獄，今晚博一爭升一爭護級嘅前頂級球會，米堡及諾定咸森林。
星級球隊稍一不慎落到英冠，如在地獄；看韋斯咸保留英超陣容志切即時反彈，近排卻疲於奔命，錄得5連和後已被上次本欄重心雷丁逼退第3，爭直升紅燈高掛。這支東倫敦球會今晚作客彼德堡，正宗老師傅遇盲拳格；爭勝最有利條件，可能係領隊「大儍」艾拿迪斯同費格遜老友鬼鬼，而對手彼德堡沒太大護級壓力外，其領隊正是老費之子。
不能不信，季尾多蠱惑的波，戰意主導勝表面實力分析；衰到貼地嘅格流，喺蘇超剛能主場低宿敵些路迪係一大明證。利記，喺聯賽完全崩潰，欠嘅就係一份戰意。一周前喺英冠陷降班威脅嘅森林，作客竟然7:3大勝列斯聯夠騎呢；這支老牌球會近兩戰搶得4分後，降班形勢已由危殆轉為嚴重，而今次作客雷聲大雨點小嘅中游隊李斯特城又成大冷，可博多一次。森林前後優質兵有今夏回復自由身嘅威爾斯國腳基斯根達，及上周中大四喜嘅麥奇利，無論球會能否留得低喺地獄，兩人已準備來屆升呢，上英超這片樂土。
另選作客另一中型班葉士域治嘅米杜士堡，「讓球」下盤甚至冷W，英冠近一周三賽下，現排第5嘅米堡同森林，同樣較今晚面對嘅對手有多一天休息優勢；英冠不乏燒相書球隊，前英超兵密佈嘅葉士域治肯定係其中一隊。
下次見報(31/3)
蘋果波神
今日重心推介
熱選
米杜士堡(下)
冷選
諾定咸森林勝(4.15)