同人唔同命，就算係親生兄弟，能力同際遇都好唔同，拜仁中場、「小豬」舒韋恩史迪加（左），穩站球隊同國家隊正選，不過佢哥哥、「大豬」杜巴斯舒韋恩史迪加（右），就發展一般，家只效力德丙嘅雷根斯堡，不過「大豬」今季就幾出位，攻入12球暫列球隊神射手，連拜仁都睇好佢，30歲高齡都簽佢，不過暫時都只放佢喺拜仁B隊比賽，難以兄弟班一齊上陣。