皇馬上禮拜作客維拉利爾嘅比賽入面，加埋有4個職球員攞紅牌，西班牙足協喺當地時間上周五公佈刑罰，冇份攞紅牌但喺賽後辱罵球證嘅比比（圖），同埋體能教練法利亞都被罰停賽兩場，加埋噚晚對皇家蘇斯達嘅比賽，佢哋下場作客奧沙辛拿都要缺陣。教練摩連奴同中場奧斯爾則各停一場，可以喺對奧沙辛拿嘅比賽中復出。沙治奧沙莫斯就最好彩，打甩其中一張黃牌，被撤銷紅牌，所以唔使停賽。