於各方壓力下中電控股（002）今年的電費加幅「減完又減」，立法會更要求兩電公開向來絕不公開的投資賬目。研究兩電逾12年的花旗亞太區證券研究董事總經理劉顯達指，今年兩電所面對的政治壓力「前所未見」，料未來會持續受壓。
公帑購電網不可行
劉顯達說：「你可以話係因為香港經濟增長慢咗，所以令大家留意到原來兩電嘅准許回報原來係咁高喎，不過，其實08年之前個回報咪仲高（約15%），嗰時又唔見要咁樣……只可以話今年咁啱係持首選舉年囉。」
既然政治壓力變得前所未有地大，兩電會否因此而撤出香港？劉顯達認為絕對不會，因為現時環顧全世界，也不會找到像現時香港利潤管制法則般回報高及風險低的項目。他說：「兩電不停投資海外項目，只係香港無投資機會，並唔係代表佢哋唔想投資香港，無得再大規模投資嘛。」
為削弱兩電加電費「籌碼」，有議員及學者建議開放香港電力市場，又或者以公帑收購兩電電網，劉顯達認為不可行。他說：「香港市場實在太細，好似馬來西亞咁，佢人口同市場都大過香港，但都做唔到一個有效率嘅市場，香港開放嘅效益應該仲低。」
劉顯達又說：「用過千億公帑去收購兩電嘅電網，回報得個1至2厘，社會嘅反對聲音一定好大，同埋，政府要買都要兩電肯賣先得，我唔覺得佢哋會賣畀政府。」