洪天明和周家蔚上周五舉行婚宴派對，周家蔚前度男友林建億（Chester）踩場溝女搞事，還倒瀉水在周家蔚身上，洪天明愛妻心切，昨日激動爆粗，鬧爆對方不請自來唔要面，要媾女死遠啲，為太太出一口氣。
洪天明和周家蔚昨日在將軍澳電視廣播城錄影《千奇百趣高B班》，天明在場派餅咭，又表示要向傳媒公告消息，隨後激動爆粗說：「仆街要開名講，不請自來。」更公開對方facebook的頁面。
搞到新娘濕晒
洪天明表示在婚宴派對當晚，曾和太太拍拖的前度男友、王愛倫兒子林建億（Chester）竟踩場，自出自入滿場飛，但當時不以為意，沒有趕對方離開，天明說：「我哋冇請佢，佢自己走嚟，人情有冇做我冇興趣知，上到嚟四圍走，又飲又食又媾女，攞人電話，最過份係倒瀉水落家蔚度，搞到佢濕晒，要唔要面，乜人嚟㗎，媾女死遠啲。」洪天明表示後來才知同老婆都沒邀請他，如當晚知道可能會大打出手，還說：「佢好彩，唔係耍套洪拳佢塊面度，將件事講出嚟係希望對方睇到收歛一吓。」天明並呼籲當晚曾經給電話那男人的要小心。周家蔚坦認選完港姐後曾和對方拍拖半年，後來因雙方對一些理論不同而提出分手。
王愛倫仔致歉
Chester被記者查詢時，在電話誠懇地解釋：「不請自來嘅講法唔正確，當晚係Janet（周家蔚）嘅親戚，亦係我最好嘅朋友請我去；至於倒水喺Janet身上，當時我只係傾緊偈唔小心；話周圍識女仔，其實喺任何派對上，男男女女交換電話都好正常嘅社交；其實我同Janet一直都係朋友，四個月前仲帶咗女朋友同佢食飯，但如果我嘅出現令主人家有誤會及不快，深感抱歉。」
Chester是港姐王愛倫的大仔，現年24、5歲左右，外國留學返港，與家蔚的表弟十分老友，與不少圈中人熟絡，在林的facebook及微博所見，他活躍於各大小party，而且大部份相片都是與女性朋友的合照，甚至有錫面相。於去年6月12日的微博，林建億上載了一張與周家蔚及另外兩位女友人的合照，另外亦有與何超蓮及何超盈的合照。
採訪、攝影：卓寶花