民企風暴捲土重來，上周港股幾乎日日跌，雖然出事的主要都是過去兩年上市的新股，照計唔會對個市咁大影響，不過諗深一層，投資者一向都以為投資在內地企業如同尋寶，押中的話要賺幾個開都唔係問題，然而接連出現幾個爛蘋果，大家開始感到，潛在回報與風險似乎不對稱，投資信心難免出現短暫危機。況且，上市企業接連出事，唔多唔少都會令香港的國際金融中心地位打了折扣，所以短期有資金流出亦屬正常。
不過，筆者對港股仍有信心，影響相信只係暫時性，如對個股管理層有懷疑，最多唔買，上周五自己亦已解除對冲，一來指數已接近心中的調整極地，二來市場氣氛實在很淡，傳媒愛寫成利好訊號的黃金交叉，竟然極少人講，反映市場情緒縱未至於恐慌，但已很大程度上受淡靜氣氛所主導，在此情況下，大市已具有作出反彈的條件。因此，組合會繼續趁低吸納，上周五所說的吉利汽車（175），公佈業績後繼續有資金追入，已按計劃於升穿3.05元後買入，逆市中仍升7%，打算坐多兩日睇定一點。今日就會吼越秀地產（123），此股勝在後台夠穩陣，估值亦便宜，同時系統上止蝕位亦近，值博率高，組合會低於1.55元買入38萬股，跌穿1.5元止蝕。
筆者客戶持有越秀地產
張士佳
寶來證券（香港）資產管理部董事
本欄逢周一、三、五刊出