日前曼城嘅足球發展總監韋拉指曼聯中場實力唔掂，走投無路，先至要搵史高斯出山救亡。曼聯領隊費格遜就還擊曼城，話佢哋咪又係搵番泰維斯返嚟，五十步笑百步！費爵爺全程唔開名反寸：「如果你講唔掂，佢哋上星期三晚咪搵番個曾經拒絕落場嘅球員踢。佢哋領隊之前先話永不錄用，但等嗰個球員喺阿根廷嘆完幾個月之後，家咪又用番，咁又算點呀！係咪又已經走投無路！」