【本報訊】會展特首選舉會場上演了一幕政壇現形記，原本支持唐英年的各界選委紛紛臨陣棄船，有人理直氣壯轉軚，有人含糊其辭迴避表態。民間全民投票雖顯示民意傾向投白票，大部份選委卻逆民意而行。
唐營的主要票源地產商，只有長實主席李嘉誠明確表示投給唐英年。他與兒子李澤鉅早上9時半前已抵會展，並與唐英年握手。恒基主席李兆基投票後忽然失憶：「唔知，唔記得。」新地集團郭氏兄弟郭炳江及郭炳聯都一言不發，郭炳湘亦表示已投給梁。
提名唐英年的選委各自為轉軚提供理由，演藝界黃百鳴大讚梁振英整體表現較好；飲食界張宇人批評唐的政綱中，有關標準工時及侍產假對業界不利。
梁營支持者反而一致封口，沒再高調表態。因黑金飯局醜聞一度互相指摘的劉夢熊與鄉議局選委梁福元一起到場，更在記者前握手，宣佈達成大和解。
泛民選委則在會場外撕毀自製選票抗議，各自以不投票及投白票方式表態。工黨李卓人及何秀蘭在場外拉橫額及叫口號：「不要狼不要豬，小圈子選舉可恥!」
-企硬挺唐-
長實集團主席李嘉誠
我投畀唐英年，我一開始就係（選擇佢），無論邊個做特首我都唔會撤資。
星島集團主席何柱國
繼續投唐英年一票，冇收過中聯辦電話，感受唔到壓力，（是否擔心被秋後算賬?）擔心乜？唔通擔心佢搵坦克車鏟我，我報紙一向支持政府，唔會變。（會否一如梁振英所說選後一起飲啤酒？）我從來未飲過一滴啤酒。
立法會議員詹培忠
我今日投唐英年，但我唔係投畀佢，我係投畀自己，因為我要遵守承諾同誠信。
海洋公園主席盛智文
我投咗唐英年一票，若梁振英當選，我也會支持，希望2017年普選特首快些來臨。
-疑似轉軚-
恆基主席李兆基
（投票支持唐英年或梁振英？）唔知，唔記得，冇人叫我點樣投票。
立法會議員張宇人
業界選委噚日開會，決定唔會投白票，會憑良心投票。之前業界有共識，提名同投票可以唔同，好多飲食界選委對唐政綱提出有關標準工時同侍產假嘅安排都好有保留。
影藝界黃百鳴
梁振英整體表現較其他對手好，目前香港需要一個積極、進取及強勢嘅政府，唔贊成投白票，自己已轉投梁，無受任何壓力。
鄉議局主席劉皇發
我嘅一票，已投畀將會勝出嘅特首候選人。
-堅持撐梁-
教育局前局長李國章
應該畀機會梁振英，民望低冇乜問題，你畀佢上場，佢就會有表現。
立法會議員陳茂波
我按之前決定投梁一票，每名選委都憑良心投票，估計第一輪有結果。噚日有咁多白票，無論邊個當選，管治都有好大困難。
新地非執董郭炳湘
投咗畀梁振英，如果梁多啲接觸市民，解釋最近傳聞，大家就會知道無其事。市民唔清楚梁政綱，只要多啲解釋大家就會明。
工聯會黃國健
唔擔心投票畀梁振英會影響工聯會立法會嘅選情，噚日港大全民投票可能有較多具傾向性嘅選民去投票，民調就係隨機抽樣，結果可能會較全面。
-白票洩憤-
自由黨榮譽主席田北俊
黨內選委有接到中聯辦嘅電話，但只係勸籲並沒有威迫。我喺對噚日港大民間投票結果感到鼓舞，黨內有四名選委都投咗白票，唔擔心梁振英當選自由黨會被秋後算賬。
社福界碧樺依
會投白票，我o地咁做係反映民意，就好似港大民間投票咁，有超過一半市民投白票，由此可見今次冇候選人揀得落手。
立法會議員張國柱
社福界一條心，不投票，不領票，抗議小圍子選舉。我o地入場之後會即時離場抗議，以示不滿。
立法會議員李卓人
不要豬，不要狼，抗議中聯辦干預今次小圍子選舉，非常可恥，所以工黨係唔會投票。
