新一屆特首昨日誕生，演藝界昨日分別在微博和公開活動發表意見。
特首選委之一的美亞公司高層唐慶枝：
我跟民意投咗票，我覺得梁振英好聰明，能言善辯，希望佢幫電影界積極開拓海外市場。2017年雙普選係所有廣大市民訴求，所以我好贊成一人一票選特首。
陳法拉：
其實兩個都唔係我心目中人選，最好係劉德華。我真係睇唔明佢哋背後嘅故事，有啲驚，知人口面不知心，不過既然選咗，特首仲要有個團隊幫佢，希望團隊團結啦。
張堅庭：
香港民間投票，得票最高候選人，4號：劉損（流選）。香港有了新特首，梁振英當選，富二代輸了第一仗。
范振鋒：
希望佢（梁振英）講得出做得到！不過好驚香港會暴動！」
林建名兒子林孝信：
願主保佑香港。
蕭定一：
幾日前已有心理準備梁振英當選，只希望佢對言論、集會自由所造成嘅威脅，唔好去得咁盡，搞到日日有人上街抗議。
郭晉安：
希望梁振英可以幫到香港，做到自己嘅承諾，真係期望佢做好啲，樓市平啲，家啲樓成三萬幾蚊一呎，真係好誇張。
陳敏之：
我係投白票，但家選咗梁振英，希望佢壓抑到樓價唔好咁貴，因為我都一直想買樓，但係一睇稍為大啲，首期都要百萬，點樣買呀。
Twins：
已經選咗，希望大家畀信心畀佢（梁振英），希望可以解決到房屋問題，貧富懸殊問題，好多人冇屋住要住籠屋，幫吓低收入家庭、年輕人同老人，同埋希望幫吓電影業，開放合拍片，開放多啲政策同配額。
導演陳嘉上：
希望這是最後一次的小圈子選舉。