早前應本報要求預測誰是下屆特首，結果貼中梁振英當選的相士鄭智恒，揚言梁振英行官星大運，至於新特首的施政情況，鄭智恒建議梁振英施政要循序漸進，否則會有危機。鄭智恒說：「佢個人好聰明，但其實最緊要係睇佢嘅團隊，佢千祈唔好施政太急，否則會影響佢本人，至於佢想連任下一屆，都係要睇佢嘅團隊幫唔幫到佢度過經濟危機，如可以，下屆有百分之八十的機會連任。」
當日貼唐英年當選的李丞責，對於梁振英贏出，他昨日表示：「當日冇正式嘅八字，只係憑人名去睇。不過其實唐英年、梁振英以及曾蔭權今年都係犯太歲，不過以梁振英係最少影響。」
至於梁振英未來管治是否順利？李丞責表示香港凡在馬年和羊年，整體運皆會反覆，因此相信梁振英也會面對一定困難，但他指若梁振英真的在農曆七月鬼節出世，他會是個懂得掌握機會的人，可望在逆境為港尋機會。