梁振英自幼性格內斂，他跟特首曾蔭權不但是鄰居，更是同學，但街坊眼裏都見證着曾蔭權的成長，卻沒有梁振英的記憶。
「曾蔭權，我睇住佢大，梁振英？我唔識喎！」80多歲在荷里活道警察宿舍外賣生果幾十年的沛叔，對梁的童年沒半點印象，只知道梁的父親是「山東差」（山東籍的警察）。他說那個年代有很多山東差，「嗰啲孭住紅帶嘅『咩渣』（警長）成日嚟搭我膊頭，有啲係山東人，叫乜名邊個知！」
與曾蔭權份屬同學
梁振英的父親是山東差，二十年代來港當警察，曾駐守港督府和山頂警署，六十年代獲分配入住荷里活道警察宿舍，梁振英自小便跟父母和一姊一妹住在那兒，並入讀荷里活道警察小學，曾蔭權三兄妹是他的學兄學姊。外公同樣是山東差的Queenie說，梁當時住宿舍六樓，曾蔭權父親職級較高，故住在對面層的雙房單位。「阿媽話宿舍以前好多山東差，多到我外公外婆完全唔識講廣東話都冇問題」。