求驗客手記:鹿角、飛腳開「咧」3輸 - 求驗客

求驗客手記:鹿角、飛腳開「咧」3輸 - 求驗客

鹿島鹿角(中)今季唔知搞乜,開季頭3場日聯輸晒之餘,一球都入唔到,自95年首次喺頭3場聯賽零入球。除咗鹿角之外,大阪飛腳噚日主場輸畀磐田山葉1:2後,聯賽又係3場輸晒,計埋亞冠盃仲要5場全輸,認真樣衰;睇嚟佢哋嘅巴西新帥施拉奧,以及佢喺鹿角嘅同鄉佐真奴,已聞到魷魚香。啲名牌隊甩轆,但小球會仙台維加泰同埋升班馬FC東京就保持全勝。猶記得柏雷素爾喺上季日聯以升班馬身份奪冠,創咗日聯歷史,話唔埋FC東京會重演歷史都未定。