巴黎聖日耳門（PSG）有球探爆料，原來教練安察洛堤睇中咗拿玻里孖寶卡雲尼同拿維斯（圖）。PSG喺今季買咗莫達、阿歷士洛里高、麥士維，加埋柏斯托尼，中後場實力已經唔錯，但鋒線方面仲可以改善，所以安帥先希望一次過打包拿玻里孖寶，貪佢哋有質素之餘仲夾慣夾熟。PSG認為卡雲尼係時候離隊他投，為職業生涯尋求新挑戰，而PSG就係佢最適合嘅選擇。