莊思敏同兩個妹妹莊思明、莊思華喺中環開嘅時裝店噚日開幕，三姊妹都性感谷胸，莊思敏話一共夾咗200萬開舖，冇靠父母，佢話：「呢個BB係催生嘅，人哋十月懷胎，我哋兩個月就搞掂，多謝幫手催生嘅朋友，我四晚冇瞓，家魂魄都唔齊。」莊思明緋聞男友陳司翰噚日有送花但唔見人，問起司翰，莊思敏即加把口，結果俾莊思明話佢煩！
