《梁營》
梁振英被指提及過「出動防暴隊」言論，令致民望急降，但胡杏兒、鄺美雲、向華勝和林淑敏均表態撐他。身在內地拍劇的胡杏兒，提到港大民調舉行的民間3.23全民投票選特首，她昨日在電話中說：「可惜我唔喺香港上唔到網，如果上到我都會投票，如果我投票都唔會投白票，會投畀梁振英，始終覺得佢嘅負面新聞冇咁多，佢一直以嚟嘅表現都比較好。」
向華勝勉強揀CY
身在內地的向華勝也很關心特首選情，他說：「站喺香港人立場，邊位特首候選人肯廢除預繳稅、減低油價等利民施政，我就投邊個一票，但三位候選人都唔係我心水，我又唔贊成流選，所以冇得揀之下，我會投畀梁振英。」
鄺美雲也有投票以示支持普選，她在電話說：「我投梁振英，覺得佢有氣度，EQ高。其實我唔明點解人哋EQ高就話人奸，啲人批評話佢講就天下無敵，但有啲人連講嘢都唔識講，更加唔會做得到啦！」林淑敏也在微博中顯示已投票，原來她投了給梁振英，她說：「競選初期喺中環見過佢同兩個助手洗街派傳單，咁勤力嘅人做特首唔會太差。」樊亦敏昨日到電視城錄影，她說：「梁振英沉着，呢個係政客嘅基本條件。我唔理黑金政治係點，件事仲查緊，如果查得出佢上咗台都要落嚟。」
採訪、攝影：林妃、李珮洳