宅錄：ACQ防腐木家具　襟過柚木！

宅錄：ACQ防腐木家具　襟過柚木！

呢個春天雖然有啲乍暖還寒！但想同個環保露台裝身，現在正是時候！綠化家居、增加生活情趣，配埋靚靚木製家具同擺設，更能增添戶外田園感覺；不過日曬雨淋環境下，一般木製品好易變色、變形，好彩有新科技木器家具，點曬都唔驚！

記者：陳家蕊
攝影：楊錦文
Model：Pinky@PureModels

戶外木製家具補品！

環保蟻油$92/a
木最驚白蟻蛀，塗上蟻油就唔使怕！

木器護理油$626/a
塗上後可以更防水、防潮、防霉！

清潔護理油$260/a
除清潔，還有強化木質結構功效。

戶外木家具　兩年曬壞

繽紛園藝職員Canon：「一般木製品，在戶外長期受太陽暴曬及雨水洗禮，好易會發霉、變色，再加上冷縮熱脹，嚴重者更會裂開兼彎曲變形，所以一般木製家具，最多只可以頂兩年！」傳統做法，會用防腐能力較強的樟木或柚木，不過最多都係用到四、五年，而且價格高昂！想節儉又Keep得到個靚靚露台？「近年市面興起採用ACQ防腐劑的杉木同松木製品，因為可以用上超過20年！」加上價格非常平民化，一個方形圍欄，成Set買都係五百多元！

■露台較大的屋企，可以加建戶外花園平台！
ACQ戶外花園平台(2,000×1,900×1,170mm)$11,800/a

■地方較細，可嘗試放木圍欄再掛上植物！
ACQ木圍欄(900×35×1,200mm)$428/a

■木花槽有如屏風的作用，但又無侷促感。
ACQ木花槽及圍欄(900×300×1,200mm)$958/a

ACQ防腐　用20年

ACQ防腐劑其實是「季銨銅」的簡稱，主要由氧化銅及季胺鹽組成，是目前國際公認最環保的防腐劑，對人、畜、環境皆無害！Canon話只要閒時做少少防護工序，就完全唔使驚！

樟木枱椅$5,680/a
喜歡天然嘢可以考慮用回樟木。

StickUp$7,000起/b
柚木戶外家具，設計玩多用途！

地方細　揀花槽

香港寸金尺土，一般人屋企個環保露台，面積最多都係五、六十呎！造不成大花園，但亦不妨用體積細的膠花槽；咪以為當中無學問，需知太陽的紫外光，會對膠料損害極大，一樣會有變色變形等問題！所以唔好貪平買十幾廿蚊個的花槽，如果成日要換的話，條數都幾襟計！

意大利小掛盆連掛鈎$108/a
最佳節省空間方法，就係在木柵掛植物。

意大利花槽$365/a
品質好的花槽，底部會設有去水位，直接落泥種就得！

意大利大花槽$368/a
足足有十吋深，有心機的，種小蘿蔔都無問題！

地獄農夫　精選粗生植物

除咗諗容器同佈局，當然植物先至係一個花園嘅主角啦；香港人個個都忙，點會有咁多時間打理植物吖！喺度特別推介幾款粗生植物，如果咁都種唔掂，相信假花將會係一個更好選擇！

香草：歐芹同薄荷等香草，不用充足陽光就種得，又可作香料食用！

蘆薈：適應性同抗逆性強，唔使點打理，割落嚟仲可以當護膚品！

葵：十分粗生，一星期可以只澆水一次。

a.繽紛園藝（23809801）
b.BRULiving（36918284）