夏雨、鍾嘉欣、馬浚偉與監製梅小青等昨日於將軍澳一小學為新劇《當旺爸爸》宣傳，活動尾聲時，一班演員為即將離開無綫並加盟now的梅小青送上一束花及一份禮物，令她感動得眼濕濕。
六嬸方逸華於昨日正式退位並轉任非執行董事，問到曾被傳獲方逸華挽留的馬浚偉是否回無綫無期？他坦言：「我都離開咗啦！同埋一直都係傳，我都冇親耳聽過方小姐挽留我，不過撞過佢好多次，係一個好人。家有咁多電視台我未諗定，不過如果合情合理嘅，無綫呢個娘家都係我首選。」
鍾嘉欣坦言知道好友楊思琦於昨早由美國返港：「有時間會探佢，希望大家畀多啲空間佢，做母親係好偉大嘅事，要好大勇氣，希望佢同BB女都健康。」
採訪、攝影：文國駿