梅姆巴事件，全世界球壇都關注，日前嘅英超，所有球隊都着住同佢打氣嘅衫（圖）；而前阿仙奴射手亨利（小圖）更加喺周三由美國紐約飛成5,000哩到倫敦，秘密咁探咗梅姆巴幾個鐘，然後又匆匆飛返紐約，都算有情有義。由於梅姆巴進展良好，已經可以同家人朋友傾計，所以保頓決定喺星期六如期喺英超大戰布力般流浪；而佢哋同熱刺場英足盃重賽，就定喺下周二上演。