元華同老婆前晚去尖沙嘴睇《飢餓遊戲》首映，元華之前過檔王維基嘅電視台，因為未有新劇，所以有時間睇戲，佢話呢幾日會返公司開會，傾吓有乜角色啱做，至於頭炮想拍乜？佢話：「乜都想拍，動作戲冇問題，演技仲要努力，今次人工OK，比之前高咗25%，年期係兩年。」早前元華見過奇洛李維斯，不過因為《太極俠》嘅角色唔啱佢，所以拍唔成。