英冠球會樸茨茅夫喺2月清盤被託管，要不斷借走主力縮減開支，到家仲吊緊命，不過另一家球會就冇咁好彩，啱啱宣佈執笠。意大利球會皮亞琴察喺星期四宣佈破產，自從喺1919年成立，經歷咗93年之後終於要講拜拜。皮亞琴察最近一次踢意甲係喺02/03球季，近年一直受財困影響，上季喺意乙都踢唔掂降班收場，到今季意丙一樣做下游分子。