日本名模富永愛，噚日現身上海一個時裝活動，佢為三個著名品牌壓軸出場。行完騷之後富永愛同高層一齊接受訪問，有四、五個保鑣貼身保護，大會仲話明只可以問四條問題，認真巴閉。富永愛2009年同老公離婚，家同囝囝生活，問到平時咁忙，有冇時間進行親子活動？佢話：「會盡量安排時間，每星期要有一次親子活動，好似野餐咁。」