陳寶珠日前為好友資深傳媒人汪曼玲主持的有線節目《星級會客室》任嘉賓，大談當年與蕭芳芳鬥到你死我活，被對方影迷起花名叫「肥豬籮」，芳芳則被叫「燒雞芳」，寶珠姐笑說：「當年唔知自己肥，仲以為好靚，可能我份人簡單，冇乜嘢諗，為食又隨時瞓得着，影迷買雞髀同燒鴨髀畀我食，所以容易肥。」
約芳芳食飯
寶珠自爆當年《胡不歸》的趣事，她的影迷見到芳芳其中一場獨腳戲即全部起身去廁所，幸無損二人感情，至今仍經常約食飯：「芳芳嘅耳仔（聽覺）唔好，唔鍾意去街食，每人帶一個餸坐低邊食邊傾。」而寶珠姐拍攝過百套電影，自言最喜歡《玉女添丁》，覺得角色中的「奀皮」性格跟自己很相似。
撰文：林妃