三色台好日都唔直播歐洲波，點知周中直播兩場德盃，喺90分鐘都係悶和0:0，認真趕客。不過，好彩多蒙特周二喺加時贏咗；而喺周三，拜仁（圖）亦憑互射12碼淘汰慕遜加柏，令到今屆德盃決賽係由德甲1、2哥對壘，戲碼十足。而喺多蒙晉級後，當記者圍住入球功臣根度簡發問時，多蒙架隊巴竟然開咗，去到機場先發現冇咗根度簡，要折返球場載番佢，都咪話唔搞笑。